<$BlogRSDUrl$>

Tuesday, February 24, 2004

Halló, halló!
Ég vil byrja á því að þakka fyrir gott laugardagskvöld, skemmti mér konunglega byrjaði á dýrindis matarboði hjá Katrínu og Óla og svo tóku við glæsilegar veitingar hjá þeim Sigrúnu og Snæþóri. Nú við skemmtum okkur konunglega og rifjuðum upp gamla og góða tíma! Svo endaði kvöldið á því að Katrín, Halldóra og Sirrý fóru á Gaukinn í á svörtum fötum ásamt henni Brynju Maríu tilvonandi skólafélaga Halldóru á Bifröst. Sigrún og Elísabet fóru svo greinilega á Sólon eins og sjá má á myndunum í fyrri pistli.
Nú er bara málið að vera vakandi og duglegar að safna fyrir utanlandsferð í haust og ég minni enn og aftur á reikningsnúmerið okkar sem er hér að ofan.
Bið að heilsa í bili........kv Sirrý

Monday, February 23, 2004

Sælar

Það er aldeilis gott að strákarnir geta fylgst með hvað er að gerast, ég býst við að Óli hafi setið sveittur við tölvuna á meðan The Snitch blakaði eyrnavængjunum ákafar en býfluga blakar sínum flugvængjum og miðlaði þekkingunni, þið getið rétt ímyndað ykkur hvernig refsingu hann fær næstu vikur ; )
Það var aldeilis fjörug helgin hérna og það eru bara heimildarmyndir af nokkrum gellum á einhverjum heimasíðum.

http://www.hrappur.is/2004/feb/gaukurinn_12feb/pages/IMG_4106.htm
http://www.solon.is/?pID=10&todo=catagory&id=138

Ætli ég fari ekki að hætta þessu í bili

Kv. The Snitcher's Wife

Thursday, February 19, 2004

Hello allar og allir sem nenna að lesa þetta!!!!!!
Jæja nú er ég bara föst á ÍSó písó en er sko ekki að nenna því...
Ég átti sem sagt að fljúga til Reykjavíkur í morgun en auðvitað var ekki flogið þar sem það snjóaði og snjóaði hérna á hjara veraldar (sem er reyndar gott fyrir skíðamenn eins og mig), en núna er veðrið orðið geggjað en þetta helv. flugfélag á ekki til vélar...ótrúlegt en satt. Það á að reyna að fá einhverja vél sem er að koma frá Grænlandi til að millilenda hérna á eftir, það verður sko fjör þá getur mar kannski brúkað dönskukunnáttuna sína við eskimóana!
En annars er nú lítið að frétta, ég ætla að stoppa í borginni allveg fram á þriðjudag, reyndar verður eitthvað farið á laugavatnið og svo er ferðinni heitið á Bifröst á mánudaginn að spjalla við námsráðgjafa og fleira.
Ég held að það sé komið á hreint að við gellur ætlum að hittast á laugardagskvöldið, allavega hluti af okkur, eða þær sem verða í borginni og komast.
Ég er búin að vera ógesslega dugleg í dag að draga bíla út um allan bæ, en mar er voða vinsæll á jeppum í svona snjó...það er ekki bara Óli sem getur dregið bíla!!
En jæja, ætla að fara að hringja á völlin til að tékka hvort að danska orðabókin fari með í flugið eða ei.
Hlakka til að hitta ykkur borgargellur!!!!!!
venlig hilsen
Dóra danska

Monday, February 09, 2004

Sælar stúlkur
heil vika liðinn og engin búin að skrifa, þetta gengur náttlega ekki!!!
Héðan frá Ísó er nú ekki mikið að frétta frekar en vanalega, en við Harpa skelltum okkur á skíði í gær og var það allveg frábært, því miður komst Heiða ekki með þar sem hún gat ekki skilið fötuna góðu við sig!!
Nú, Sirrý G er búin að fjárfesta í eitt stykki sjálfrennireið, rauður pæjubíll, (w.w. polo) nú mega sko bílarnir á suðurlandinu fara að passa sig. Aldrei að vita nema hún bjóði meðlimum á sunnudagsrúnt við tækifæri....
Annars ætlar mín að skella sér í borgarferð á þar-næstu helgi og aldrei að vita nema mar droppi við í ´"tíu" hjá ykkur.
jæja ótrúlegt en satt þá verður þetta bara mjög stutt hjá mér í dag enda þjáist ég af "mega" ritstíflu en endilega verið duglegar að skrifa.
see ya later....
Halldóra

Monday, February 02, 2004

Sælar allar saman
Jæja þá er maður komin aftur á Suðurlandið eftir góða dvöl fyrir vestan. Skólinn byrjaði í dag og það var bara mjög gaman að koma aftur í herbergi 19 og hitta alla skólafélagana aftur. Svo nálgast árshátíð KHÍ óðfluga en hún verður á Brodway þriðjudaginn í næstu viku og Í svörtum fötum leika fyrir dansiballi þannig að næst á dagskrá er að finna sér föt fyrir það!! Vonandi gengur það vel........Á næstu helgi er ég svo að fara að bílastússast, við feðginin ætlum að kíkja á bílasölur borgarinnar og vonandi finnum við einhvern álitlegan, þannig að ef þið vitið um einhvern kjarabíl á verðbilinu 0-500 þús þá látið þig mig vita:)
Jæja ég bið bara að heilsa öllum og vona að þið hafið það gott
Sjáumst!

Góðan mánudaginn

Er ekki allt gott að frétta af ykkur dömunum? Það vona ég að minnsta kosti.

Jæja, nú er aftur kominn mánudagur og niðurtalningin hafin til næstu helgar..... tikk takk tikk takk. Þetta var fín helgi, rólegheit eins og venjulega.

Smáralind var aðalpleisið hjá mér um helgina, fór með mömmu, Albertu og Arndísi á laugardaginn. Hún Alberta er nefnilega að fara að fermast í vor þannig að það átti að finna rétta dressið og skóna tímanlega til að koma í veg fyrir stress og vandræði. Þær mæðgurnar eru nú frekar líkar að skapferli en það sama má ekki segja um fatasmekk og í stuttu máli komust þær ekki að sameiginlegri niðurstöðu um rétta átfittið þannig að leitin heldur áfram.
Svo kíktum við fjölskyldan í gær og fórum á kaffihús og svo inn i vetrargarðinn þar sem voru risastór hoppikastali og himinhá rennibraut. Arndís var ekki lengi að rífa sig úr skónum til að skutlast í þessi tæki þannig að við keyptum korters aðgang. Litla skutlan klifraði upp kaðlastiga í renibrautina sem stendur næstum því í loftinu þarna og renndi sér niður á maganum þannig að móðurhjarta mitt titraði.
Við náðum henni svo út úr hoppikastalanum eftir hálftíma (sluppum samt við að borga meira :) ).

Ég horfði í smá stund á Superbowl í gær en missti auðvitað af því þegar Justin fletti Janet Jackson klæðum.

Jæja ég þarf nú að fara að vinna þannig að þetta verður ekki lengra í bili.

Kv Sigrún


This page is powered by Blogger. Isn't yours?

Powered by TagBoard Message Board
Name

URL or Email

Messages(smilies)